A festa da auga.

Onte realizamos unha pequena festa da auga, o tempo non acompañou e os xogos foron modificados, pero o máis importante e que os nenos pasárono ben e foi unha xornada moi divertida.

Coñecendo Vincios, visitamos a Melosa

O alumnado de 3 e 4 anos de Educación Infantil fomos dando un paseíño pola nosa parroquia. Visitamos a pastelería da Melosa e fixemos un pequeno obradoiro moi divertido, na que nos convertemos en pasteleiros.

Temos que agradecer a colaboración de Vanesa, Fran e Concha, grazas por abrirnos a vosa casa!

SAÍDA A VIGO E VISITA Á EXPOSICIÓN "VEXO, VEXO!, QUÉ VES?"

 O pasado xoves día 5 de maio por fin tivemos saída. Fomos visitar unha exposición a Afundación titulada "Vexo, vexo!, qué ves?. Entusiasmados por saír xuntos de excursión puidemos gozar dunha exposición artística onde o humor, o lúdico e o creativo fusionábanse para complementarse.

Tamén desfrutamos dun obradoiro de manualidades e da visita a un submarino virtual no que aprendimos algunhas das especies que viven no fondo mariño da nosa Ría.

Encantounos ir en bus, dar un pequeno paseo pola cidade olívica e visitar un museo tan divertido!

25 N , Contacontos "Maruxa"

 O pasado 25 de Novembro fixemos un contacontos na biblioteca, polo día da non violencia

O conto elexido foi Maruxa, logo de escoitalo fomos as aulas para elaborar un rico pan en forma de lazo para conmemorar esta data.

Maruxa

20 Novembro: "Día internacional dos dereitos do neno"

 O pasado venres foi un día especial, volvemos a reunirnos na biblioteca para escoitar un marabilloso conto para conmemorar o "día dos dereitos dos nenos" e logo de escoitar esta historia montamos un mural entre as tres aulas que fomos realizando ao longo da semana.

Foi un día completo: contacontos, mural e grabación do video por parte do colexio Juan María. 

Deixámosvos un pequeno video para que vexades todo o que fixemos

2 de abril, Día Internacional para a Concienciación do Autismo

 Hoxe, 2 de abril, celébrase o Día Mundial da Concienciación do Autismo e, dende o Equipo de E.I queremos recordar a importancia que ten a nosa labor e actividade docente neste aspecto e transmitilo a todas as familias para que, entre todos, fagamos conciencia de realidades coma esta. Aquí vos deixamos un vídeo do ano 2013 que ten unha canción de Pablo Alborán elaborada con pictos de Arasaac (utilizados para traballar con nen@s con TEA)... Esperamos que disfrutedes con ela!.

Para ver o vídeo clicade no seguinte enlace:    Día Concienciación do Autismo

PROFE TAMI

Non podiamos acabar o curso sen despedirnos da nosa profe Tami. Aínda que agora non poida ser como queriamos, esperamos que con este vídeo che chegue todo o agarimo dos teus nenos e nenas voando voando ata que te rodee como un abrazo xigante. Grazas peques e familias polos vídeos son preciosos!

Tami querémoste moito, levámoste no corazón!!💖

Bicos a moreas para tod@s e feliz verán!💋💋💋